Surah Mulk ke Fawaid aur Fazail

Boht se log aise b ha jo surah mulk parhte tu ha pr unko iski fazilat or isk faide ni pta k hum q isko parhte hain. Or kuch log search b krte hnge k is surah ko parhne k kya faide ha likn unko koi khs malomat ni milti hogi. Tu agr ap b koi aisi site dond rhe ha jo apko shi information de tu aj apki goojj khatm hogai smjho.

Hum ne is page pr surah e mulk k boht se faide or fazilte detail or daleel k sath btai ha. Or hum ne do zabano me btane ki pori koshish ki ha. Or mazeed zabano pr hum kam kr rhe ha. 

Tarjamah, tafsir, fazilat, or faide apni zaban me parhne se jaldi smjh ate ha. Yahan aapko hr zaban ka alag page milega, jis par hum ne detail se smjhaya hai. Ap jis b zaban me parhna chahte ha wo niche moujood ha bss scrole kre or apni zaban me parhe smjhe or sawab hasil kre or aml krne ki koshish kre.

Surah Mulk Parhne ke Barhe Fayde

Ahadees mein Surah Mulk ke ba-kasrat (bohat zyada) fazail bayan hue hain aur in mein se chand darj zail hain:

Azab-e-Qabar se Nijaat

Hazrat Abdullah bin Abbas (Razi Allahu Ta’ala Anhuma) farmate hain ke ek sahabi (Razi Allahu Ta’ala Anhu) ne ek jagah khema nasb kiya (lagaya), wahan ek qabar thi aur unhein maloom na tha ke yahan qabar hai. Achanak unhein pata chala ke yeh ek qabar hai aur us mein ek aadmi Surah Mulk padh raha hai, yahan tak ke us ne Surah Mulk mukammal kar li. 

Wo sahabi (Razi Allahu Ta’ala Anhu) jab Nabi Kareem (Sallallahu Alaihi Wa Aalihi Wasallam) ki bargah mein hazir hue to arz ki: Ya Rasool Allah (Sallallahu Alaihi Wa Aalihi Wasallam)! Main ne nadanista (anjane mein) ek qabar par khema laga liya, achanak mujhe maloom hua ke yeh ek qabar hai aur us mein ek aadmi Surah Mulk padh raha hai yahan tak ke us ne surat mukammal kar li.

Tajdar-e-Risalat (Sallallahu Alaihi Wa Aalihi Wasallam) ne irshad farmaya: “Yeh surat azaab-e-qabar ko rokne wali aur us se nijaat dene wali hai.” (Tirmidhi: 2899)

Gunaahon ki Bakhshish aur Shafa’at

Hazrat Abu Hurairah (Razi Allahu Ta’ala Anhu) se riwayat hai, Rasool Akram (Sallallahu Alaihi Wa Aalihi Wasallam) ne irshad farmaya: “Quran Pak mein tees aayaton ki ek surat hai, wo apni tilawat karne wale ki shafa’at karegi yahan tak ke use bakhsh diya jayega. Wo surat ‘Tabarakallazi Biyadihil Mulk’ hai.” (Abu Dawud: 1400)

Jannat mein Dakhle ka Zariya

Hazrat Abdullah bin Masood (Razi Allahu Ta’ala Anhu) farmate hain: “Surah Tabarak apne padhne wale ki taraf se jhagda karegi yahan tak ke use jannat mein dakhil kar de gi.” (Shu’ab al-Iman: 2508)

Sote Waqt Parhne par Farishton ki Hifazat

Hazrat Abdullah bin Abbas (Razi Allahu Ta’ala Anhuma) se riwayat hai, Huzoor Pur-Noor (Sallallahu Alaihi Wa Aalihi Wasallam) ne irshad farmaya: “Beshak main Kitabullah mein ek aisi surat pata hoon jis ki tees aayatein hain. Jo shakhs sote waqt is ki tilawat karega to us ke liye tees nekiyan likhi jayengi, us ke tees gunah mita diye jayenge aur us ke tees darjaat buland kar diye jayenge. 

Aur Allah Ta’ala us ki taraf farishton mein se ek farishta bhejta hai jo us par apne par phaila deta hai aur wo us aadmi ke bedar hone (jaagne) tak har cheez se is ki hifazat karta hai. Wo surat ‘Mujadilah’ (yani behas karne wali) hai jo apni tilawat karne wale ke liye qabar mein behas karti hai aur wo surat ‘Tabarakallazi Biyadihil Mulk’ hai.” (Musnad al-Firdaws: 179)

Surah Mulk Ke Mazameen

Is surat ka markazi mazmoon yeh hai ke is mein Islam ke bunyadi aqaid jaise Allah Ta’ala ki wahdaniyat, Huzoor Pur-Noor Sallallahu Alaihi Wa Aalihi Wasallam ki risalat, Quran ki haqaniyat, hashr-o-nashr aur Qayamat ke din a’maal ki jaza-o-saza ko nihayat moassir andaz mein bayan kiya gaya hai. Neez is surat mein yeh mazameen bayan kiye gaye hain:

  • Is surat ki ibteda mein Allah Ta’ala ki azmat, sultanat aur qudrat ke bare mein bayan kiya gaya aur yeh bataya gaya ke zindagi aur maut ko paida karne se maqsad logon ke a’maal ki jaanch karna hai.
  • Allah Ta’ala ki qudrat ke aasaar bayan kiye gaye ke us ne kisi sabiqa misal ke baghair ek doosre ke upar saat aasman banaye aur in aasmano mein kisi tarah ka koi aib nahin, inhein sitaron se muzayyan kiya aur in sitaron ke zariye aasman ki taraf chadhne wale shaitanon ko maara jata hai. Neez is ki qudrat ke aasaar mein se yeh hai ke us ne kafiron ke liye jahannam ka dardnak azab tayyar kiya hai aur imaan walon ko maghfirat aur azeem ajar ki bisharat di hai.
  • Yeh bataya gaya ke Allah Ta’ala zahir aur poshida, khuli hui aur chhupi hui har baat ko jaanta hai.
  • In naimaton ko bayan kiya gaya jo Allah Ta’ala ne apni makhlooq ko ata farmai hain taake wo us ki naimat ko pehchan kar us ka shukr ada karein aur Allah Ta’ala ki wahdaniyat ka iqrar karein.
  • Kuffar-e-Makkah ko Allah Ta’ala ke azab se daraya gaya aur Nabi Kareem Sallallahu Alaihi Wa Aalihi Wasallam ko tasalli di gayi ke aap un ke jhutlane ki wajah se ghamzada na hon kyunke un se pehle kaafir bhi apne Ambiya Alaihimus Salatu Was-Salam ke sath isi tarah ka sulook karte thay.
  • Is surat ke aakhir mein momin aur kafir ka haal wazeh karne ke liye ulta chalne wale aur seedha chalne wale ki ek misal bayan farmai gayi aur Huzoor Pur-Noor Sallallahu Alaihi Wa Aalihi Wasallam ko jhutlane walon ko Allah Ta’ala ke azab se daraya gaya.

Agr ap in sb mazameen ko details se parhna chahte ha or smjhna chahte ha tu hamare translation wale page ka visit kre apko iski detail parh k maza ayega inshallah.

Mukhtalif Zubanon Mein Surah Mulk ke Fazail Janiye

Duniya bhar mein musalman mukhtalif zubanain bolte hain. Har shakhs apni madri zaban mein deen samajhna pasand karta hai. Hum ne mukhtalif zubanon mein fazail ka intizam kiya hai. Is se aap ko Quran ka paigham samajhne mein asani hogi. Neechay diye gaye links se apni pasandida zaban parhe, smjhe, aur amal b kre.

Aksr log is baat se preshan hote ha k tarjamah tafsir milti tu ha pr koi daleel ni hoti hai jsiki wajah se log parhna skip kr dete ha. Hum ne yaha different zabano me daleel k sath or detail me hr ayat ka tarjamah or tafsir bayan ki ha ap vist kre or pahe or dosro k sath b share kre.

Surah Mulk Virtues in English 

English parhne walo ke liye khushkhabri! Ab aap is mubarak surah ki fazilat aur is ke roohani fawaid English zaban mein bhi parh sakte hain. Authentic references ke sath tafseeli maloomat ke liye hamare Benefits In English wale page ka visit kre.

Frequently Asked Questions (FAQs)

Nabi Kareem (PBUH) ki sunnat ke mutabiq isay raat ko sone se pehle parhna sab se afzal hai.

Jee haan pabandi se parhne wale k lie  Yeh surah qabar mein dhaal ban jayegi.

Aap isay din mein kisi bhi waqt parh sakte hain. Magar raat ke waqt parhna zyada sawab hai.

Is lafaz ka matlab Allah ki badshahi aur taqat hai. Yeh kainaat par Allah ki qudrat zahir karta hai.

Tilawat sunne ka bhi bohat ajar hai. Magar khud parhne se sawab aur fawaid mein mazeed izafa hota hai.

Final Thoughts

Surah Al-Mulk ki rozana tilawat aik behtareen roohani aadat hai. Yeh choti si koshish aapki aakhirat ko mehfooz banati hai. Is surah ko apna hamesha ka roohani saathi banayen. Yeh qabar ke andhere mein aapki sab se bari dhaal hai. Hum aapse is mufeed page ko bookmark karne ki guzarish karte hain. Asani ke liye apne keyboard par Ctrl+D dabayen. Is se aap har raat yahan asani se wapas aa sakte hain.

Apne doston aur ghar walon ke sath isay zaroor share karein. Deeni ilm phelana aapke liye Sadaqah-e-Jariyah ban jayega. In sha Allah aapko unki tilawat ka bhi sawab milega. Mazeed Asani ke liye hamari website se PDF zaroor download karein. Aap hamari site par mashhoor Qariyon ki tilawat bhi sun sakte hain. Allah hamari is nacheez koshish ko apni bargah mein qabool farmae. Allah is surah ko hamara sifarishi banaye. Ameen.